Koronavirusa yoluxmaq üçün könüllülər axtarılır – 9 min manat veriləcək

İngiltərə çox maraqlı bir təcrübəni sınaqdan çıxarmağa hazırlaşır.
 
Londonda bir firma insanların eksperimental peyvəndlərə və ya müalicələrə necə reaksiya verdiyini müəyyən etmək üçün koronavirusa yoluxacaq könüllülər axtarır.
 
Firma eksperimentə qatılanlara 9000 manatdan çox pul verəcək. Şirkətin mövzu ilə əlaqədar verdiyi açıqlamada test çərçivəsində könüllülərə təkcə COVID-19 deyil, digər virus və bakteriyalar da yeridiləcək.

Könüllülər bu müəssisədə tək otaqlarda təxminən 2 həftə qalacaqlar. Bu testlərin gələn ildən başlayacağı planlaşdırılır./Sfera.az