Azərbaycan bu il 19 tona yaxın qızıl idxal edib

Bu ilin yanvar-mart aylarında Azərbaycan 1 milyard 703.7 milyon dollar dəyərində 18 min 941.97 kq qızıl idxal edib.

Xezerxeber.az xəbər verir ki, bu barədə Dövlət Statistika Komitəsi məlumat açıqlayıb.

Azərbaycanın qızıl idxalında ən çox paya malik 3 ölkə Rusiya (23 faiz), Avstraliya (17.7 faiz) və Böyük Britaniyadır (11.6 faiz).

Ötən il isə Azərbaycana 11 ölkədən 3 milyard 312.9 milyon dolları dəyərində 41 min 78.4 kiloqram qızıl idxal etmişdi.

Qızıl idxalı dedikdə, qızıldan yarımişlənmiş formalarda çubuqlar, məftil və profillər, lövhələr, istənilən altlıq nəzərə alınmadan qalınlığı 0.15 mm-dən çox olan vərəqlər, zolaqlar və ya lentlər nəzərdə tutulur.

Aşağıdakı cədvəldə bu ilin birinci rübündə Azərbaycana idxal edilən qızılın ölkələr üzrə həcmi verilib: