Xəzər Xəbər

İşsizlikdən sığorta fondunun gəlirləri və xərcləri artırılır

İqtisadiyyat | 13:00 • 6 İyun 2023
İşsizlikdən sığorta fondunun gəlirləri və xərcləri artırılır

Milli Məclis Azərbaycan Respublikası Konstitusiyasının 95-ci maddəsinin I hissəsinin 5-ci bəndini rəhbər tutaraq “İşsizlikdən sığorta fondunun 2023-cü il büdcəsi haqqında” Qanuna dəyişikliklə bağlı qanun layihəsini birinci oxunuşda təsdiqləyib.

Xezerxeber.az xəbər verir ki, qanun layihəsi Milli Məclisin iyunun 6-da keçirilən növbədənkənar iclasının gündəliyində müzakirəyə çıxarılıb.

Qanun layihəsinə əsasən İşsizlikdən sığorta fondunun büdcəsinin gəlirləri və xərcləri artırılır. Yəni, fondun gəlirləri və xərclərinin hər birinin 5 milyon manat artırılaraq müvafiq olaraq 212 milyon 668 min 344,5 manatdan 217 milyon 668 min 344,5 manata çatdırılması təklif olunur.

Layihəyə əsasən, 2022-ci ilin sonuna İşsizlikdən sığorta fondunun istifadə olunmamış vəsaiti 53 milyon 32 min 194,5 manatdan 58 milyon 32 min 194,5 manata qaldırılır və artan bu vəsait fondun gəlirlərinə əlavə edilir.

Həmçinin fondun 2023-cü il büdcəsinin xərcləri üzrə işsizliyə görə sığorta ödənişləri yönəldilən vəsaitin 11 milyon manatdan 13 milyon 500 min manata qaldırılması, peşə hazırlığı və əlavə təhsilin təşkilinə yönəldilən vəsaitin 22 milyon manatdan 20 milyon manata endirilməsi, peşə yönümünə dair məsləhət xidmətlərinin göstərilməsinə yönəldilən vəsaitin iki milyon manatdan bir milyon manata endirilməsi, haqqı ödənilən ictimai işlərin təşkilinə yönəldilən vəsaitin 3 milyon 500 min manatdan 4 milyon 225 min manata qaldırılması, sosial iş yerlərində işçilərin əməkhaqqının bir hissəsinin maliyyələşdirilməsinə yönəldilən vəsaitin 2 milyon manatdan 1 milyon 500 min manata endirilməsi, müvafiq icra hakimiyyəti orqanının müəyyən etdiyi orqanın (qurumun) aparatının və onun idarə, filial və nümayəndəliklərinin, habelə tabeliyindəki digər qurumların, müvafiq icra hakimiyyəti orqanının müəyyən etdiyi orqanın (qurumun) saxlanılması xərclərinin 44 milyon 647 min 197,75 manatdan 48 milyon 822 min 197,75 manata qaldırılması və sosial müəssisələrin yaradılması və məqsədli proqramların həyata keçirilməsinə yönəldilən vəsaitin 1 milyon 500 min manatdan 2 milyon 600 min manata qaldırılması təklif edilir.

Qanun layihəsi müzakirələrdən sonra səsverməyə qoyularaq birinci oxunuşda qəbul edilib.

Rubrikanın digər xəbərləri

Orta aylıq əməkhaqqı 1 000 manatı
Orta aylıq əməkhaqqı 1 000 manatı KEÇDİ
12:29 • 12 İyun 2024
Şərqi Zəngəzurda iki faydalı qazıntı yatağı ilk dəfə
Şərqi Zəngəzurda iki faydalı qazıntı yatağı ilk dəfə HƏRRACA ÇIXARILIR
09:35 • 12 İyun 2024
Azərbaycan neftinin qiyməti
Azərbaycan neftinin qiyməti 82 dollar
09:36 • 11 İyun 2024
Mastercard tezliklə Azərbaycanda süni intellekt
Mastercard tezliklə Azərbaycanda süni intellekt YARADIR
10:30 • 10 İyun 2024
Laçın və Ağalıda kiçik bizneslər
Laçın və Ağalıda kiçik bizneslər YARADILDI
11:44 • 7 İyun 2024
Azərbaycan nefti ucuzlaşmaqda
Azərbaycan nefti ucuzlaşmaqda DAVAM EDİR
09:41 • 6 İyun 2024
Azərbaycan əhalisinin yanacaq xərcləri
Azərbaycan əhalisinin yanacaq xərcləri ARTIB
08:46 • 6 İyun 2024

Xəbər lenti