Xəzər Xəbər

Fermerlər PUA-lardan istifadə qaydalarını öyrənirlər FOTOLAR

İqtisadiyyat | 15:01 • 15 May 2023
Fermerlər PUA-lardan istifadə qaydalarını öyrənirlər

Kənd Təsərrüfatı Nazirliyi yanında Dövlət Aqrar İnkişaf mərkəzlərinin mütəxəssisləri üçün aqrar təyinatlı pilotsuz uçuş aparatlarının idarə olunması üzrə təlimlər davam edir. Aqrar İnnovasiya Mərkəzinin təşkilatçılığı ilə keçirilən təlimlərdə Türkiyədən dəvət olunmuş mütəxəssislər iştirakçılara pilotsuz uçuş aparatlarının xüsusiyyətləri, istifadə qaydaları, texniki göstəriciləri haqqında nəzəri biliklər öyrədirlər.

Nazirliyin İctimaiyyətlə əlaqələr və informasiya təminatı şöbəsindən Xezerxeber.az-a bildirilib ki, artıq Göyçay, İsmayıllı, Ağsu, Ağdaş, Kürdəmir və Ucar Dövlət Aqrar İnkişaf mərkəzlərinin mütəxəssisləri üçün təlim proqramı başa çatıb. İştirakçılar təlim zamanı pilotsuz uçuş aparatlarından istifadəyə dair praktiki vərdişlərə yiyələniblər. Təlimlərə bu günə kimi 62 iştirakçı qatılıb. İştirakçılar Tərəvəzçilik Elmi-Tədqiqat İnstitutu və Qobustan Heyvandarlıq Nümayiş Kompleksində multispektral dronlar vasitəsilə avtopilot rejimində çəkilişlərin aparılması, sahədəki torpağın münbitliyinin ölçülməsi, zərərvericilərin aşkar edilməsi, bununla yanaşı bitki örtüyü indeksinin müəyyən edilməsi istiqamətləri, eyni zamanda çiləyici dronlar vasitəsilə herbisid və pestisidlərin səpini üzrə uçuş təcrübələri həyata keçiriblər.

Təlimi başa vuran iştirakçılara Türkiyə Respublikasının Mülki Aviasiya Baş İdarəsi tərəfindən təsdiqlənmiş sertifikat və dronların idarəedilməsi üzrə sürücülük vəsiqəsi təqdim edilir.

Kənd təsərrüfatı naziri Məcnun Məmmədov Göyçay rayonunda təlim iştirakçıları ilə görüşüb və onlara sertifikat və vəsiqələrin təqdim olunması mərasimində iştirak edib. Nazir təlim zamanı iştirakçıların praktiki bilikləri mənimsəmə səviyyəsi ilə maraqlanıb, müasir aqrar təyinatlı dronları idarə edəcək mütəxəssislərin hazırlanması istiqamətində görülən işləri müsbət qiymətləndirib.

Daha sonra təlim iştirakçılarına müvafiq sertifikat və vəsiqələr təqdim olunub.

Təlimlər davam edir.

Rubrikanın digər xəbərləri

Orta aylıq əməkhaqqı 1 000 manatı
Orta aylıq əməkhaqqı 1 000 manatı KEÇDİ
12:29 • 12 İyun 2024
Şərqi Zəngəzurda iki faydalı qazıntı yatağı ilk dəfə
Şərqi Zəngəzurda iki faydalı qazıntı yatağı ilk dəfə HƏRRACA ÇIXARILIR
09:35 • 12 İyun 2024
Azərbaycan neftinin qiyməti
Azərbaycan neftinin qiyməti 82 dollar
09:36 • 11 İyun 2024
Mastercard tezliklə Azərbaycanda süni intellekt
Mastercard tezliklə Azərbaycanda süni intellekt YARADIR
10:30 • 10 İyun 2024
Laçın və Ağalıda kiçik bizneslər
Laçın və Ağalıda kiçik bizneslər YARADILDI
11:44 • 7 İyun 2024
Azərbaycan nefti ucuzlaşmaqda
Azərbaycan nefti ucuzlaşmaqda DAVAM EDİR
09:41 • 6 İyun 2024
Azərbaycan əhalisinin yanacaq xərcləri
Azərbaycan əhalisinin yanacaq xərcləri ARTIB
08:46 • 6 İyun 2024

Xəbər lenti