Xəzər Xəbər

Azərbaycana gətirilən İran məhsulları ziyanlı çıxdı FOTO

İtxalçı şirkətlərə sertifikat verilməyəcək
İqtisadiyyat | 12:14 • 15 Mart 2023
Azərbaycana gətirilən İran məhsulları ziyanlı çıxdı

İrandan Azərbaycana gətirilən portağal və bibərdə zərərli orqanizm aşkarlanıb.

Bu barədə Xezerxeber.az Qida Təhlükəsizliyi Agentliyinə istinadən məlumat verir.

Belə ki, idxalatçı şirkətlərin müraciəti əsasında Agentlik əməkdaşlarının götürdüyü nümunələrin müayinələri nəticəsində İrandan idxal olunan “Ballı Store N” MMC-yə məxsus 7 372 kq bibər məhsulunda qonur qırışıqlıq virusu, “Frut-ZV” MMC-yə məxsus 8 650 kq və “Narnumru“ MMC-yə məxsus 21 100 kq portağal məhsulunda isə sitrus tristeza virusu aşkarlanıb.

Faktlarla bağlı qanunvericiliyə uyğun olaraq karantin tətbiq olunan zərərli orqanizmlə sirayətlənmiş məhsul partiyaları barədə qida təhlükəsizliyi serifikatının verilməsindən imtina edilməsi və təhlükəli məhsulların gömrük ərazisinin hüdudlarından kənarlaşdırılması və ya məhv edilməsi barədə qərarlar qəbul olunub.

Verilmiş qərarlara əsasən Qaradağ Rayon Qızıldaş Poliqonunda məhvetmə tədbiri həyata keçirilib.

Rubrikanın digər xəbərləri

Xəbər lenti