Torpaq sahələrinin qeydiyyatı artıb

Prezident İlham Əliyevin “Torpaq münasibətlərinin tənzimlənməsi ilə bağlı bəzi məsələlər haqqında” 2021-ci il 7 oktyabr tarixli Fərmanına uyğun olaraq, mülkiyyət sənədləri ilə təmin edilməmiş pay torpaqlarının dövlət vəsaiti hesabına sənədləşdirilməsi ilkin qeydiyyat göstəricisinin daha yüksək olmasına imkan yaradır. Belə ki, Əmlak Məsələləri Dövlət Xidməti tərəfindən cari ilin yanvar-oktyabr ayları ərzində ilkin qeydiyyatı aparılan torpaq sahələri 34 min 469 olub.

Xidmətdən bildirilib ki, bu göstərici ötən ilin eyni dövrü ilə müqayisədə 2,6 dəfə çoxdur.