Xəzər Xəbər

Azərbaycanda bu sahədə 3500 manatdan çox MAAŞ VERİLİR

İqtisadiyyat | 15:10 • 28 Sentyabr 2022
Azərbaycanda bu sahədə 3500 manatdan çox MAAŞ VERİLİR

2022-ci ilin yanvar-iyul aylarında Azərbaycanda əməkhaqqı neft-qaz sektorunda 3504,1 manat, qeyri neft-qaz sektorunda 780,2 manat təşkil edib.

XəzərXəbər xəbər verir ki, bu barədə Trend-ə Dövlət Statistika Komitəsindən məlumat verilib.

Dövlət müəssisələrində çalışan işçilərin əməkhaqları 782,9 manat, özəl müəssisələrdə isə 886,4 manat olub.

2022-ci ilin yanvar-iyul aylarında ölkə iqtisadiyyatında muzdla çalışan işçilərin orta aylıq nominal əməkhaqqı 2021-ci ilin müvafiq dövrünə nisbətən 14,1 faiz artaraq 831,3 manat təşkil edib.

Mədənçıxarma sənayesində, maliyyə və sığorta fəaliyyəti, peşə, elmi və texniki fəaliyyət, eləcə də informasiya və rabitə sahələrində orta aylıq nominal əməkhaqqı ölkə üzrə orta göstəricidən yüksək olub.