Beynəlxalq agentlik Azərbaycanın reytinqini TƏSDİQLƏDİ

2022-ci il üçün Azərbaycanın xarici və yerli valyutada uzun və qısamüddətli suveren kredit reytinqi “BB+/B” səviyyəsində təsdiqləyib.

XəzərXəbər xəbər verir ki, bu barədə “Standard & Poor Global Ratings” beynəlxalq reytinq agentliyi Azərbaycanla bağlı hesabatında məlumat verib.  

Bildirilib ki, əlverişli karbohidrogen qiymətləri Azərbaycanın fiskal və tədiyyə balansını dəstəkləyir və 2022-ci il üçün 2,7 faiz artım proqnozlaşdırılır.

Dövlət Neft Fondunda toplanmış vəsaitlər və əhəmiyyətli likvid aktivlər riskləri qismən azaldır.

Vurğulanıb ki, “stabil” proqnoz isə Azərbaycan, Ermənistan və Rusiya arasında imzalanmış bəyanatın təmin edilməsi, əlverişli karbohidrogen qiymətləri və artan qaz ixracının növbəti 12 ay ərzində Azərbaycanın fiskal və tədiyyə balansını dəstəkləyəcəyi ilə bağlıdır.