Bakı 28 ℃
Xəzər Xəbər
USD 1.7

Naxçıvana avtobus biletləri neçəyə olacaq? - QİYMƏTLƏR

İqtisadiyyat | 1,467 | 16:23 • 16 İyul 2021
Naxçıvana avtobus biletləri neçəyə olacaq? - QİYMƏTLƏR

17 iyul 2021-ci il tarixindən etibarən Azərbaycan Respulikasının Nazirlər Kabinetinin Qərarına əsasən Bakı-Naxçıvan-Bakı marşrutu fəaliyyətə başlayır.

Bakı Beynəlxalq Avtovağzal Kompleksindən XəzərXəbər-ə bildirilib ki, ilkin olaraq yalnız səhər reyslərinin fəaliyyəti nəzərdə tutulur.

Belə ki, sərnişinlər bu gündən etibarən iyul ayının 17-si saat 09:00 reysinə, eləcə də növbəti günlərə gediş bileti əldə edə bilərlər. Gediş biletinin qiyməti 30 manat, 5-10 yaş arası uşaqlar üçün isə 50% güzəşt olmaqla 15 manat təşkil edir.

Gediş biletlərini Bakı Beynəlxalq Avtovağzalının kassalarından, eləcədə avtovağzala gəlmədən internet üzərindən avtovagzal.az saytı vasitəsi ilə Online gediş bileti sifariş edə bilərsiniz.

Reyslər yüksək komfortlu, geniş salona malik, sərin, Avropa standartlarına cavab verən müasir tipli avtobuslarla həyata keçiriləcəkdir.

Sərnişinlərin nəzərinə çatdırırıq ki, Gömrük keçid məntəqəsində sərnişinlərdən Covid-19 testi götürüləcəkdir. Bu testlər Azərbaycan vətəndaşları üçün pulsuzdur.

Xəbər lenti

Çox oxunanlar