Xəzər Xəbər

ASK: İyundan Azərbaycanın turizm sektorunun canlanması gözlənilir

İqtisadiyyat | 11:58 • 23 Aprel 2021
ASK: İyundan Azərbaycanın turizm sektorunun canlanması gözlənilir

Bu ilin iyun ayından başlayaq, Azərbaycanın turizm sektorunda canlanmanın müşahidə olunacağı gözlənilir.

Azərbaycan Sahibkarlar Konfederasiyasından verilən məlumata görə, bu fikir ASK-ın “Turizm və xidmət üzrə iş” Komissiyasının növbəti iclasında səsləndirilib.

Bildirilib ki, artıq bir neçə ölkənin kommunikasiya əlaqələrinin bərpa edilməsi 2021-ci ildən turizm sektorunun yenidən dirçəlməyə başlayacağına əsas verir.

İclasda həmçinin qeyd olunub ki, 2019-cu ildə Azərbaycanda turizm sektorunun 10% inkişaf edib, 2020-ci ildə isə bu sektor üzrə 4 dəfə azalma müşahidə olunub.

İclasda pandemiyanın turizm sektoruna vurduğu ziyan, komissiyanın həyata keçirdiyi tədbirlər barədə məlumatlar dinlənilib. 2021-ci ilin oktyabr-noyabr aylarında Dünya Ekoturizm Təşkilatının zirvə toplantısına hazırlıqla bağlı qarşıda duran məsələlər müzakirə edilib.

Xəbər lenti