Bakı 10 ℃
Xəzər Xəbər
USD 1.7

GUAM ölkələri arasında azad ticarət zonası yaradılır

İqtisadiyyat | 245 | 09:12 • 18 Yanvar 2021
GUAM ölkələri arasında azad ticarət zonası yaradılır

GUAM ölkələri arasında azad ticarət zonasının yaradılması üçün bu dövlətlərin müvafiq qurumları arasında danışıqlar davam etdirilir.


Bu barədə AZƏRTAC-a GUAM-ın Milli Əlaqələndiricilər Şurasından məlumat verilib.


Məlumata görə, hazırda quruma üzv ölkələrin mallarının mənşəyi üzrə protokolların hazırlanması istiqamətində işlər başa çatmaq üzrədir və son mərhələdədir. 2021-ci ildə bu protokollar üzrə razılığın əldə ediləcəyi və azad ticarət zonasının yaradılması gözlənilir.


Qeyd edək ki, 2017-ci il 27 mart tarixində Kiyevdə keçirilmiş GUAM-ın Hökumət Başçılarının növbəti görüşü çərçivəsində GUAM-ın iştirakçı dövlətləri arasında azad ticarət zonasının yaradılması haqqında 2002-ci il 20 iyul tarixli Sazişin Razılığa gələn Tərəflərinin fəaliyyətini əlaqələndirən İşçi Orqanın yaradılması və fəaliyyəti Qaydasının təsdiqlənməsi haqqında Protokol imzalanıb.

Çox oxunanlar