“Beşiktaş” baş məşqçisi ilə yollarını ayırıb

Türkiyənin "Beşiktaş" komandası baş məşqçisi Ciovanni van Bronkhorstla yollarını ayırıb.

Xezerxeber.az xarici mətbuata istinadən xəbər verir ki, İstanbul nəhəngi niderlandlı mütəxəssisin müqaviləsinə qarşılıqlı razılıq əsasında xitam verib. O, komandanın bugünkü məşqində iştirak etməyib.

50 yaşlı çalışdırıcı bu ilin iyun ayında “qara qartallar”ın çalışdırıcısı təyin olunmuşdu.

Qeyd edək ki, “Beşiktaş” Ciovanni van Bronkhorstun rəhbərliyi altında bu mövsüm Superliqada 21 xalla turnir cədvəlinin 6-cı pilləsində qərarlaşıb.