"Qarabağ" Azərbaycan kubokunu qazandı qızıl dubl

Bu gün Azərbaycan kubokunda 2023/2024 mövsümünün final oyunu keçirilib.

Xezerxeber.az xəbər verir ki, həlledici görüşdə cari mövsümdə Misli Premyer Liqasının qalibi olan "Qarabağ" çempionatın 2-cisi "Zirə" ilə qarşılaşıb. Oyun Ağdam klubunun 2:1 hesablı qələbəsi ilə başa çatıb. Bununla da Qurban Qurbanovun komandası "qızıl dubl" edib. 

"Qarabağ" Azərbaycan kubokunun ən titullu klubudur. Ağdam təmsilçisi ölkə kubokuna ümumilikdə 8 dəfə sahib çıxıb. 

Qeyd edək ki, final görüşündən əvvəl - saat 19:00-da konsert proqramı olub. Konsert proqramında xalq artisti Aygün Kazımova çıxış edib.

2 iyun

Azərbaycan kuboku, final

20:00. "Qarabağ" - "Zirə" - 2:1 

Qol: Olavio Juninyo, 42 (1:0), İsmayıl İbrahimli, 57 (1:1), Abdullah Zubir, 62 (2:1)

Hakimlər: Rəvan Həmzəzadə, Namiq Hüseynov, Müslüm Əliyev, Kamal Umudlu

"Liv Bona Dea Arena"