Xəzər Xəbər

Fransa millisi Polşaya, İngiltərə yığması isə Seneqala qarşı

İdman | 11:22 • 4 Dekabr 2022
Fransa millisi Polşaya, İngiltərə yığması isə Seneqala qarşı

Qətərdə futbol üzrə dünya çempionatının pley-off mərhələsi davam edir. Bu gün dörddəbir finala adlayacaq daha iki komandanın adına aydınlıq gələcək.

Xezerxeber.az xəbər verir ki, günün ilk matçında Fransa və Polşa yığmaları üz-üzə gələcəklər. “Al Tumama” stadionunda keçiriləcək görüş Bakı vaxtı ilə saat 19:00-da başlayacaq. Oyunu venesuelalı FIFA referisi Xesus Valensuela idarə edəcək.

Günün digər matçı isə İngiltərə ilə Seneqal yığmaları arasında oynanılacaq. “Əl Beyt” stadionunda keçiriləcək qarşılaşma Bakı vaxtı ilə saat 23:00-da start götürəcək. Görüşün baş hakimi salvadorlu İvan Barton olacaq.

Qeyd edək ki, artıq Niderland və Argentina seçmələri dörddəbir finala vəsiqə qazanıb və bir-birinə rəqib olublar.

Xəbər lenti