Argentina millisinin hücumçusu Paulo Dibala karyerasını İtaliyada davam etdirə bilər.
İnformasiyanı "La Gazzetta dello Sport" yayıb.
Mənbə bu yay "Yuventus"dan azad agent qismində ayrılan forvardın "İnter"lə yanaşı, "qara-göylər"in əzəli rəqibi "Milan"a da maraqlı olduğunu açıqlayıb. Xəbərə görə, "qırmızı-qaralar" futbolçu əməkhaqqı tələbini azaldacağı halda, onunla müqavilə bağlamaqda qərarlıdır.
Xatırladaq ki, Dibala "Yuventus"a 2015-ci ildə "Palermo"dan keçmişdi. 2021/2022 mövsümündə "qoca sinyora"nın formasıyla ümumilikdə 38 matça çıxan argentinalı futbolçu 15 qol və 6 məhsuldar ötürmə ilə yadda qalıb./Fanat.Az