Konfrans Liqasının bu gecə baş tutan finalında "Feyennord"u 1:0 hesabı ilə məğlub edən "Roma"nın baş məşqçisi Joze Mourinyu tarixi ilkə imza atıb.
XəzərXəbər xəbər verir ki, o, hazırda keçirilən bütün Avropa turnirlərinin - Çempionlar Liqası, Avropa Liqası və Konfrans Liqasının qalibi olmuş ilk məşqçi ünvanına sahib çıxıb.
Mourinyu iki dəfə ÇL-i qazanıb. "Portu" (2003/2004) və "İnter"lə (2009/2010) qitənin ən nüfuzlu klub turnirində qələbə sevinci yaşayan Mour "Mançester Yunyated"in baş məşqçisi postunda Avropa Liqasının kubokunu başı üzərinə qaldırıb. O, həmçinin "Portu"nun "sükanı arxası"nda (2002/2003) UEFA Kubokunun qalibi olub.