Xəzər Xəbər

Bu gün El-Klasiko var

İdman | 16:17 • 12 Yanvar 2022
Bu gün El-Klasiko var
Bu gün futbol üzrə İspaniya Super Kubokuna start veriləcək.
 
XəzərXəbər xəbər verir ki, Superkubok tarixdə ilk dəfə 4 komandanın iştirakı ilə gerçəkləşəcək.
 
İlk yarımfinal oyununda "Real Madrid" "Barselona" ilə üz-üzə gələcək. Qarşılaşma Bakı vaxtı ilə saat 23:00-da başlayacaq. Cütün qalibi yanvarın 13-də keçiriləcək "Atletiko" (Madrid) - "Atletik" (Bilbao) duelinin güclüsü ilə qarşılaşacaq.

 

İndiyədək bütün rəsmi turnirlərdə baş tutan 247 "El Klasiko"nun 99-da paytaxt klubu, 96-da Kataloniya təmsilçisi qələbə qazanıb. 52 görüşdə isə qalib müəyyənləşməyib.
 
"El Klasiko"larda ən çox oyun keçirən futbolçular hər iki komandanın sabiq kapitanları - Lionel Messi və Serxio Ramosdur.
 
Hazırda Fransanın PSJ klubunda çıxış edən oyunçular 45 dəfə meydanda olublar. Kataloniya təmsilçisindən Paris komandasına keçən Messi 26 qolla əzəli və əbədi rəqabətdə ən çox fərqlənən futbolçudur.

Xəbər lenti