"Beşiktaş" "Borussiya" ilə oyuna onlarsız çıxacaq

"Beşiktaş" Dortmund "Borussiya"sına qarşı UEFA Çempionlar Liqasının qrup mərhələsinin VI tur oyununa ciddi itkilərlə çıxacaq.

Komandanın yarımmüdafiəçisi Miralem Pyaniç sıradan çıxıb. 31 yaşlı oyunçuya tənəffüs yollarının infeksiyası diaqnozu qoyulub və onun müalicəsinə başlanılıb.

Daha əvvəl Kevin N'Kudunun 3 ay yaşıl meydanlardan kənarda qalacağı dəqiqləşib. Qapıçı Mert Günok, yarımmüdafiəçi Gökhan Törə və hücumçu Aleks Teyşeyra da zədəlidi.

Dekabrın 7-də oynanılacaq "Borussia" "Beşiktaş" görüşü Bakı vaxtı ilə saat gecə yarısı başlayacaq.