Transfer şayiələri: Veteranlar milli komandalara qayıdır

Qış "transfer pəncərəsi" yaxınlaşdıqca futbol insayderləri, tanınmış idman nəşrləri və xəbər agentlikləri klubların yeni planları ilə bağlı maraqlı məlumatlar yayımlamaqdadır.

"ESPN" nəşri: "Barselona" Timo Verner və Hakim Ziyeş üçün "Çelsi"yə rəsmi sorğu göndərib.  İspaniya klubu onları yanvarda satın alma şərti ilə icarəyə götürməyə hazırdır. Rəhim Sterlinq "Barselona"nın ən yaxşı seçimi idi, lakin "Mançester Siti"nin yüksək qiyməti və oyunçunu satınalma öhdəliyi olmadan icarəyə buraxmaq istəməməsi onları heyətini gücləndirmək üçün başqa imkanlar axtarmağa məcbur edir. "Barselona" ilk növbədə öz klublarında müntəzəm oyun təcrübəsi olmayan futbolçularla maraqlanır. 

"Parma" klubunun rəsmi saytı: Cüzeppe Yaçini "Parma"nın yeni baş məşqçisidir! Klub İtaliya B Seriyasında 14-cü pillədə qərarlaşıb.

"Tuttomercato" nəşri: Daniele De Rossi İtaliyanın gənclərdən ibarət yığmasının məşqçilər korpusuna daxil edilib. 38 yaşlı mütəxəssis İtaliyanın U15-U20 milli komandalarında çalışacaq.

"Football İnsider" saytı: "Aston Villa" yanvarda Bertrand Traore ilə yollarını ayırmağa hazırdır. Klub "Çelsi"nin keçmiş oyunçusu ilə bağlı təklifləri dinləməyə hazırdır.

Olqa Smorodskaya, “Lokomotiv”in keçmiş prezidenti Aleksey Mirançukun Rusiyaya qayıda bilməməsi barədə: “Əlbəttə ki, hər şey örtülüdür. Amma bunun niyə baş verdiyi bəlli deyil. Bizim bilmədiyimiz şeylər var. Bəlkə də onun agenti susur. Ancaq bəllidir ki, Aleksey orada özünü pis hiss edir. O, "Atalanta"dan mümkün qədər tez getməlidir. O, orada qalsa, işlər daha da pisləşəcək. "Zenit"? Əla seçimdir, niyə də yox. Onun oyun təcrübəsi görünəcək və dil problemi olmayacaq"

"El Nacional" nəşri: Fransalı futbolçu Uesli Fofananın kral klubuna keçidi daha da yaxınlaşır. "Real Madrid" "Lester"ə Uesli Fofana üçün 40 milyon avro + İskonu təklif etməyə hazırdır. Madrid klubu hesab edir ki, bu, gələcək üçün yaxşı sərmayədir.

"Football İnsider" saytı: "Vest Hem" "Sparta Praqa"nın gənc istedadı Adam Qlozeki üçün "Liverpul"u geridə qoymağa çalışır. Bu mövsüm o, 21 oyun keçirib, 4 qol vurub və 8 məhsuldar ötürmə verib.

"The Northern Echo" idman xəbəri saytı: Aleksandr Zinçenko adı "Nyukasl"la hallandırılan oyunçulardan biridir. “Mançester Siti”nin ukraynalı futbolçusu bu mövsüm klubunda az oynadığı üçün “sağsağanlar"ın hədəfindədir.

"La Gazzetta dello Sport" nəşri: "İnter" iyunda Lorenso İnsinyeni sıralarına qata biləcəyinə ümid edir. İtaliya millisinin oyunçusu onlara pulsuz başa gələ bilər, çünki İnsinye hələ "Napoli" ilə yeni müqavilə ilə bağlı razılığa gəlməyib.

"Sporx" nəşri: "Beşiktaş"ın və Kanada millisinin hücumçusu Kayl Larinin agenti müştərisinin İngiltərə Premyer Liqasına transferini təşkil etməyi planlaşdırır. Türkiyənin 1,7 milyon avro maaş təklifi 2,7 milyon avro istəyən futbolçunun tələbinə cavab vermir. Futbolçunun agenti artıq "Nyukasl" və "Uotford"la əlaqə saxlayıb.

"Calciomercato" nəşri: "Fiorentina" Domeniko Berardini Xose Kalyexonun yerinə təyin edib. Onlar artıq Berardi ilə 2026-cı ilə qədər mövsümə 3,5 milyon avro maaşla razılaşıblar, 30 milyon avro tələb edən "Sassuolo" ilə razılaşmaq çətindir.

Xorvatiya Futbol Federasiyasının rəsmi saytı: Mario Mandzukiç Xorvatiya millisinin məşqçilər korpusuna daxil edilib. O, 2022-ci ildə Qətərdə keçiriləcək dünya çempionatına hazırlıq zamanı millinin baş məşqçisi Zlatko Daliçin köməkçilərindən biri olacaq. Mandzukiç Xorvatiya millisinin heyətində 89 oyuna çıxıb və 33 qol vurub. /fanat.az