Çempionlar Liqası: "Beşiktaş"ın son şansı

Bu gün UEFA Çempionlar Liqasının qrup mərhələsində V turun daha 8 matçı keçiriləcək.

XəzərXəbər xəbər verir ki, ikinci oyun günündə görüşlər A, B, C və D qruplarında gerçəkləşəcək.

C qrupunda Türkiyə "Beşiktaş"ı pley-offa vəsiqəni rəsmiləşdirən Niderland "Ayaks"ını qəbul edəcək. Dörd turdan sonra xalı olmayan "qara qartallar" Avropa Liqasının pley-offuna düşmək üçün qələbə qazanmaqla yanaşı, Portuqaliyada "Sportinq" və Almaniyanın "Borussiya" (Dortmund) klubları arasında oynanılacaq görüşün nəticəsini gözləməlidir. Bu qarşılaşma heç-heçə və ya meydan sahiblərinin qələbəsi ilə başa çatacağı təqdirdə, İstanbul təmsilçisi avrokuboklarla vidalaşacaq. 

UEFA Çempionlar Liqası
Qrup mərhələsi
V tur

A qrupu

00:00. "Brügge" (Belçika) - "Leyptsiq" (Almaniya)
00:00. "Mançester Siti" (İngiltərə) - PSJ (Fransa)

B qrupu

00:00. "Atletiko" (Madrid, İspaniya) - "Milan" (İtaliya)
00:00. "Liverpul" (İngiltərə) - "Portu" (Portuqaliya)

C qrupu

21:45. "Beşiktaş" (Türkiyə) - "Ayaks" (Niderland)
00:00. "Sportinq" (Portuqaliya) - "Borussiya" (Dortmund, Almaniya)

D qrupu

21:45. "İnter" (İtaliya) - "Şaxtyor" (Donetsk, Ukrayna)
00:00. "Şerif" (Moldova) - "Real Madrid" (İspaniya)

Qeyd edək ki, ötən gün baş tutan oyunlardan sonra Almaniyanın "Bayern Münhen" və İtaliyanın "Yuventus" klubları pley-offa vəsiqəni təmin ediblər.