“Qəbələ” klubu heyətinə daha iki futbolçu cəlb edib.
Xezerxeber.az-ın məlumatına görə, “qırmızı-qaralar” Nigeriyadan yeni oyunçular gətirib.
Bunlar Çiçin Akande və Munaçi Okvaradır. Yarımmüdafiə xəttində çıxış edən adıçəkilən oyunçulardan Akandenin 18, Okvaranın isə 20 yaşı var. Hər iki futbolçu “Qəbələ”nin əvəzedici heyətinin I divizion üçün iştirak ərizəsinə salınıb. Ancaq onlar istənilən vaxt əsas əsas komandanın heyətində Premyer Liqada iştirak edə bilər.
Qeyd edək ki, I divizionda 2021/22 mövsümünə sabah start veriləcək. İlk gündə “Qəbələ” “Kəpəz”lə səfərdə qarşılaşacaq.