Xəzər Xəbər

Çempionlar Liqası: "Neftçi"nin potensial rəqibi müəyyənləşdi

İdman | 16:02 • 19 İyul 2021
Çempionlar Liqası: "Neftçi"nin potensial rəqibi müəyyənləşdi

UEFA Çempionlar Liqasında III təsnifat mərhələsinin püşkü atılıb.

XəzərXəbər-in məlumatına görə, İsveçrənin Nyon şəhərində keçiriləcək mərasimdə Azərbaycan çempionu "Neftçi"nin də potensial rəqibi müəyyənləşib.

"Ağ-qaralar" II raundda Yunanıstan "Olimpiakos"unu mübarizədən kənarlaşdıracağı təqdirdə növbəti mərhələdə “Mura” (Sloveniya) - “Lüdoqorets” (Bolqarıstan) cütünün qalibi ilə qarşılaşacaq və ilk matçını evdə oynayacaq.

III təsnifat mərhələsinin görüşləri 3 - 4 və 10 avqustda olacaq.

Qeyd edək ki, "Neftçi" "Olimpiakos"la ilk oyununu iyulun 21-də səfərdə, cavab matçını isə 1 həftə sonra Bakıda keçirəcək.

Xəbər lenti