Bakı 33 ℃
Xəzər Xəbər
USD 1.7

Ronaldo AVRO-2020-də tarixə düşə bilər

İdman | 78 | 10:17 • 14 Aprel 2021
Ronaldo AVRO-2020-də tarixə düşə bilər

Beynəlxalq Futbol Tarixi və Statistikaları Federasiyası (IFFHS) Avropa çempionatları tarixində ən çox qol vuran oyunçuların siyahısını açıqlayıb.

Siyahının ilk iki pilləsində Fransa yığmasının sabiq üzvü Mişel Platini və hazırda İtaliya "Yuventus"unda çıxış edən Portuqaliya millisinin hücumçusu Kriştianu Ronaldo qərarlaşıb.

Hər iki oyunçu 9 qolla Avropa çempionatları tarixinin bombardiridir. Platini bütün qollarını 1984-cü ildə meydanda olduğu 5 görüşdə vurub. Ronaldo isə 2004-cü ildə 2, 2008-ci ildə 1, 2012 və 2016-cı ildə 3 dəfə fərqlənib.

"3-lüy"ü İngiltərə seçməsinin sabiq forvardı Alan Şirer qapayır. 51 yaşlı keçmiş oyunçu 1996-cı ildə 5 qol, 4 il sonra isə 2 qol vurmağa nail olub.

Karyerasını davam etdirən oyunçulardan Antuan Qrizmann və Zlatan İbrahimoviç 6 qolla 4 - 9-cu yerləri bölüşdürür.

Ronaldo bu ilin yayında keçiriləcək Avropa çempionatında turnirin tarixinə düşə bilər. Qrizmann ilə müqayisədə portuqaliyalı oyunçunun bombardirlər siyahısında lider olacağı daha realdır.

Çox oxunanlar

Neft bahalaşıb
40 | 09:27 • 15 May 2021
Bir həftə iş olmayacaq
876 | 17:16 • 19 Aprel 2021