Bakı 12 ℃
Xəzər Xəbər
USD 1.7

UEFA Avropa Liqasının onaltıdabir final mərhələsinə yekun vurulur

İdman | 98 | 13:05 • 25 Fevral 2021
UEFA Avropa Liqasının onaltıdabir final mərhələsinə yekun vurulur

Fevralın 25-də UEFA Avropa Liqasının səkkizdəbir final mərhələsinin bütün iştirakçıları məlum olacaq.

Turnirin onaltıdabir final mərhələsinin cavab oyunlarının yeddisi Bakı vaxtı ilə saat 21:55-də, səkkizi isə gecə saat 12-də başlayacaq.

İtaliyanın “Milan” klubu doğma azarkeşlər önündə Serbiyanın “Srvena Zvezda” komandasını qəbul edəcək. Bir həftə əvvəl Serbiyada oynanılan görüş 2:2 hesabı ilə başa çatıb.

“Qarabağ” klubunun yer aldığı A qrupunun lideri kimi pley-offa yüksəlmiş İspaniyanın “Vilyarreal” klubu Avstriyada 2:0 hesabı ilə məğlub etdiyi “Zaltsburq” ilə bu dəfə doğma meydanda üz-üzə gələcək. İsrailin “Makkabi” komandası isə Ukraynada “Şaxtyor” ilə qarşılaşacaq. Təl-Əviv təmsilçisi ilk görüşdə Donetsk klubuna uduzub - 0:2.

Günün digər görüşləri aşağıdakılardır:

“Ayaks” (Niderland) - “Lill” (Fransa) - ilk oyun - 2:1;

“Napoli” (İtaliya) - “Qranada” (İspaniya) - 0:2;

“Hoffenhaym” (Almaniya) - “Molde” (Norveç) - 3:3;

“Reyncers” (Şotlandiya) – “Antverpen” (Beçlika) - 4:3;

“Arsenal” (İngiltərə) - “Benfika” (Portuqaliya) - 1:1;

“Brügge” (Belçika) – “Dinamo Kiyev” (Ukrayna) - 1:1;

“PSV” (Niderland) - “Olimpiakos (Yunanıstan) - 2:4;

“Bayer” (Almaniya) - “Yanq Boyz” (İsveçrə) - 3:4;

“Dinamo Zaqreb” (Xorvatiya) - “Krasnodar” (Rusiya) - 3:2;

“Roma” (İtaliya) - “Braqa” (Portuqaliya) - 2:0;

“Lester Siti” (İngiltərə) - “Slaviya Praqa” (Çexiya) - 0:0;

“Mançester Yunayted” (İngiltərə) - “Real Sosyedad” (İspaniya) - 4:0.

Qeyd edək ki, səkkizdəbir finalın ilk iştirakçısı artıq bəllidir. Ötən gün İngiltərədə Avstriyanın “Volfsberq” komandasını 4:0 hesabı ilə məğlub edən “Tottenhem” iki görüşün nəticəsinə (8:1) əsasən, adını növbəti mərhələyə yazdırıb.

Çox oxunanlar