İbrahimoviçdən Poqba açıqlaması - "Buraxın getsin" - FOTO

MLS komandalarından "Los Anceles Qalaksi" forması geyinən Zlatan İbrahimoviç Pol Poqba haqqında verdiyi açıqlama ilə diqqət mərkəzinə düşüb.

Ulduz futbolçu BBC-ə açıqlamasında "Mançestr Yunayted"in fransalı futbolçunu buraxmalı olduğunu bildirib. "Poqba komandada qalmaq istəmirsə, ona israr etmək və ya düşüncəsindən döndərmək yersizdir" - deyən İbra əks halda bunun tərəflərin hər ikisi üçün zərərli olacağını söyləyib.

"Mən Pol Poqbanı yaxşı tanıyıram. Onun xarakterinə bələdəm. Əgər o getmək istəyirsə, bir yolunu tapıb Mançestrdan çıxacaq. "Yunayted"in israrı, onu yolundan döndərmək cəhdləri həm komandanın imici üçün zərərdir. Həm də ki, məşqləri baykot edəcək olan Poqbyaya da bir zərbədir ki, bu onun formadan düşməyinə gətirib çıxaracaq" - Zlatan İbrahimoviç düşüncələrini bölüşərkən bunları söyləyib.

Qeyd edək ki, fransalı futbolçunun uzun müddətdir ki, "RealMadrid"ə keçidi gündəmdədir.