"Qələbəyə ehtiyacınız varsa, buna uyğun oynamalısınız. İlk 15 dəqiqədə ciddi problem yaşamadıq, qol imkanları yaratdıq. Amma Messinin zərbəsi qarşısıalınmaz oldu”.
Bunu Çempionlar Liqasının 1/4 finalının cavab matçında "Barselona”ya 0:3 hesabıyla yenilərək mübarizəni dayandıran "Mançester Yunayted”in çalışdırıcısı Ole-Qunnar Sulşer deyib.
İngiltərədəki görüşdə də uduzduqları (0:1) rəqiblə həlledici qarşılaşmanı dəyərləndirən norveçli çalışdırıcı əlavə edib: "Messi ən yüksək səviyyəli futbolçudu, matçın taleyini təkbaşına həll edə bilir. Messi və Ronaldo 10 ildi özlərini ən yaxşı tərəfdən göstərirlər. Leo bu gün də səviyyəsini ortaya qoydu. "Barselona" səviyyəsinə çatmaq üçün çox çalışmaq lazımdı. "Mançester Yunayted" ənənələrini qaytarmaq istəyiriksə, "Barselona" kimi rəqiblərə meydan oxumalıyıq".
Fanat.Az