Beynəlxalq dərəcəli həndbol hakimimiz İsgəndər Əsgərov yeni təyinat alıb

Beynəlxalq dərəcəli həndbol hakimimiz İsgəndər Əsgərov yeni təyinat alıb.

AZƏRTAC Avropa Həndbol Federasiyasının (EHF) rəsmi saytına istinadla xəbər verir ki, təcrübəli referi kişi həndbolçuların "Challenge Cup” turnirinin ikinci mərhələsindən mübarizəyə qoşulacaq Litvanın "VHC Sviesa Vilnius” və "Granitas Karys” komandalarının görüşlərində EHF nümayəndəsi kimi fəaliyyət göstərəcək.

İlk oyun oktyabrın 13-də Kaunas şəhərinin "Kaunas Sport Hall" arenasında, cavab görüşü isə oktyabrın 14-də Litvanın paytaxtı Vilnüsün "LUES Sport Hall” kompleksində keçiriləcək.

Qarşılaşmaları serbiyalı Marko Sekuliç və Vladimir Yovandiç idarə edəcəklər.