Güləşçimiz Rəsul Çunayev dünya çempionatına qələbə ilə başlayıb

Azərbaycan güləşçisi Rəsul Çunayev (71 kq) dünya çempionatına qələbə ilə başlayıb.

Güləşçimiz Honduras təmsilçisi Jefrin Benito Mejia Sambulanı məğlub edərək növbəti mərhələyə adlayıb. Milli komandamızın üzvü 1/16 finalda almaniyalı Frank Stabler ilə üz-üzə gələcək.

Qeyd edək ki, bu gün Fransanın paytaxtı Parisdə güləş üzrə dünya çempionatı start götürür.

Azərbaycan Güləş Federasiyasından xezerxeber.az-a bildiriblər ki, ilk yarış günündə 71, 75, 85 və 98 kiloqram çəki dərəcələrində yunan-Roma güləşçiləri mübarizəyə qoşulurlar.