Sabirabadda avtomobil piyadanı vuraraq öldürüb

Sabirabad rayonunun Qaratoğay kəndi ərazisində avtomobil piyadanı vurub.

Xezerxeber.az xəbər verir ki, hadisə Sabirabad-Qaragüney avtomobil yolunun rayonun Qaratoğay kəndi ərazisində asfalt yolda baş verib.

Belə ki, 1954-cü il təvəllüdlü Məmmədov Kərim Əlövsət oğlu idarə etdiyi "VAZ-2106" markalı avtomobili ilə hərəkətdə olan zaman yolu keçmək istəyən piyada, rayonun Osmanlı kənd sakini, 1966-cı il təvəllüdlü Xalıqov Aslan Yedigar oğlunu vurub.

Nəticədə piyada aldığı xəsarətlərdən hadisə yerində ölüb.

Fakta bağlı Sabirabad Rayon Polis Şöbəsində Cinayət Məcəlləsinin 263.2-cı maddəsi ilə cinayət işi başlanılaraq istintaq aparılır.