Tovuzda dəhşətli yol qəzası: 6 ÖLÜ/yenilənib

Tovuzda yol qəzasında ölənlərdən beşi hərbçidir.

Bu barədə Müdafiə Nazirliyindən bildirilib.

Qeyd edilir ki, noyabrın 27-də axşam saatlarında Tovuz rayonu ərazisində, xidmətdən kənar vaxtda şəxsi avtomobilin qəzaya uğraması nəticəsində Azərbaycan Ordusunun 5 hərbi qulluqçusu - baş gizir Qurbanov Ruslan Əhliman oğlu, müddətdən artıq həqiqi hərbi xidmət hərbi qulluqçuları baş çavuş Alıyev Qabil Qaybalı oğlu, çavuş Əliyev Bəhlul Aydın oğlu, çavuş Əhmədov Qələndər Mail oğlu və kiçik çavuş Mehdiyev Turan Cavad oğlu vəfat edib.

Faktla bağlı araşdırma aparılır.

Müdafiə Nazirliyinin rəhbərliyi vəfat edən hərbi qulluqçularımızın ailələrinə və yaxınlarına dərin hüznlə başsağlığı verir, səbir diləyir.

Allah rəhmət eləsin!

21:07
Tovuzda ağır yol-nəqliyyat hadisəsi olub, ölənlər var.

Xezerxeber.az-ın məlumatına görə, hadisə rayonun Əlimərdanlı kənd yolunda qeydə alınıb.

Qəza nəticəsində altı nəfər aldığı xəsarətdən dünyasını dəyişib. Bir nəfərin vəziyyəti ağırdır.

Faktla bağlı araşdırma aparılır.