Bakı şəhərində yüksək sürət ağır qəzaya səbəb olub.
Zərbədən 30 metrə yaxın məsafədə göydə uçan avtomobil yerə tərsinə düşüb.
Hadisə Nəriman Nərimanov heykəlinin yaxınlığında qeydə alınıb.
Belə ki, Mercedes” markalı minik avtomobili ilə yüksək sürətlə Nəriman Nıərimanov prospektində hərəkətdə olan sürücü süküna nəzarəti itirib. Bu zaman avtomobil yol kənarındakı beton maneəyə dəyib.
Bundan sonra təxminən 30 metr məsafədə uçaraq yerə tərsinə düşüb. Hadisə nəticəsində avtomobil deformasiyaya uğrayıb.
Ağır bədən xəsarətləri alan sürücü əraziyə çağrılan təcili tibbi yardım maşını ilə xəstəxanaya çatdırılıb. Əməliyyat olunan yaralı xəstəxananın reanimasiya şöbəsinə yerləşdirilib.
Faktla bağlı araşdırma aparılır./Ölkə.Az