Bakıda sürücü beş maşını əzib hadisə yerindən qaçdı

Bakının Nərimanov rayonunda sürücü beş maşını əzib.

XəzərXəbər apa-ya istinadən xəbər verir ki, hadisə Ziya Bünyadov prospektində qeydə alınıb.

“AzSamand” markalı avtomobil prospektdə əks istiqamətdə hərəkət edib. Bu zaman sözügedən avtomobilin sürücüsü sükana nəzarəti itirərək “Mercedes-Benz”, “Hyundai”, “Naz Lifan”, “Toyota” və KİA markalı avtomobillərə çırpılıb.

Qəza nəticəsində “Toyota”da olan bir nəfər xəsarət alıb. Qəzanı törədən sürücü isə hadisə yerindən yayınıb.

Faktı Nərimanov Rayon Polis İdarəsi araşdırır.