Liftlərin naqillərini oğurlayan şəxslər tutulublar

Daxili İşlər Nazirliyinin (DİN) Baş Cinayət Axtarışı İdarəsinin, Binəqədi Rayon Polis İdarəsinin 5-ci və 7-ci polis bölməsi əməkdaşlarının birgə keçirdikləri əməliyyat-axtarış tədbirləri nəticəsində bu il iyulun 29-da Mircəlal küçəsi 105 nömrəli yaşayış binasının girişindəki liftin 1200 manat dəyərində olan naqillərini oğurlamaqda şübhəli bilinən Bakı şəhər sakinləri S.Rəşidov və T.Rəşidov müəyyən olunaraq saxlanılıblar.

DİN-in mətbuat xidmətindən xezerxeber.az-a verilən məlumata görə, onların barələrində aparılmış tədbirlər nəticəsində həmin şəxslərin müxtəlif vaxtlarda daha üç binanın liftlərinin əyləc dolaqlarını və qapıları açıb-bağlayan mexanizmlərini oğurlamaları da müəyyənləşdirilib.

Faktla bağlı rayon polis idarəsi tərəfindən araşdırma aparılır.