Paytaxtın Xəzər və Səbail rayonlarında quldurluq edən şəxslər tutulublar.
Daxili İşlər Nazirliyinin mətbuat xidmətindən xezerxeber.az-a bildirilib ki, Xəzər Rayon Polis İdarəsinin 3-cü polis bölməsi əməkdaşlarının keçirdikləri əməliyyat-axtarış tədbirləri nəticəsində sentyabrın 1-də Ə.Xəlilovu döyüb 100 manat məbləğində pulunu quldurluq yolu ilə almaqda şübhəli bilinən V.Əliyev saxlanılıb.
Digər oxşar hadisə Səbail rayonunda qeydə alınıb. Avqustun 10-da M.İbişovun 100 manat məbləğində pulunu və iki ədəd mobil telefonunu quldurluq yolu ilə almaqda şübhəli bilinən Bakı şəhər sakini Q.Qurbanov rayon polis idarəsinin 41-ci polis bölməsi əməkdaşlarının keçirdikləri əməliyyat-axtarış tədbirləri nəticəsində yaxalanıb.
Faktlarla bağlı araşdırmalar aparılır.