Xətai Rayon Polis İdarəsinin 35-ci polis bölməsi əməkdaşlarının daxil olmuş məlumat əsasında keçirdikləri əməliyyat tədbiri nəticəsində narkotiklərin qanunsuz dövriyyəsində şübhəli bilinən Bakı şəhər sakini B.Sadıqov tutulub.
Daxili İşlər Nazirliyinin mətbuat xidmətindən xezerxeber.az-a bildiriblər ki, axtarış zamanı ondan heroin və metamfetamin aşkar edilib.
Davam etdirilən tədbirlərlə ona məxsus “Hyundai” markalı avtomobilin yük yerinə də baxış keçirilib və 10 kiloqram 125 qram marixuana götürülüb.
Faktla bağlı təhqiqat aparılır.