Gəncə sakinindən silah və narkotik götürülüb

Gəncə sakinində silah və narkotik aşkarlanıb.

Daxili İşlər Nazirliyinin mətbuat xidmətinin Gəncə regional qrupundan xezerxeber.az-a bildiriblər ki, Gəncə şəhər Baş Polis İdarəsinin Kəpəz rayon Polis İdarəsinin (RPİ) əməkdaşlarının daxil olan məlumat əsasında keçirdikləri əməliyyat-axtarış tədbirləri nəticəsində qanunsuz olaraq narkotik maddə əldə edib saxlamaqda şübhəli bilinən, əvvəllər məhkum olunan şəhər sakini Seymur Quluzadə saxlanılaraq Rayon Polis İdarəsinə gətirilib. Onun üzərinə baxış keçirilən zaman çəkisi 1,60 qram olan tiryək aşkar edilərək götürülüb.

Davam etdirilən istintaq-əməliyyat tədbirləri nəticəsində S.Quluzadənin şəhər ərazisindəki fərdi yaşayış evinə baxış keçirilib. Baxış zamanı fərdi yaşayış evindən parça torbada 1 ədəd, müvafiq sənədi olmayan, qundağı və lüləyi kəsilmiş, atəşə yararlı tüfəng, 2 ədəd patron və sellofan torbada, çəkisi 38.35 qram tiryək aşkar olunub.

Götürülən maddi sübutlar ekspertiziyaya təqdim olunub, faktla bağlı araşdırmalar davam etdirilir.