Azərbaycanda mağazadan pulla dolu seyf oğurlandı

Biləsuvarda oğurluq etmiş şəxslər tutulub.

XəzərXəbər Daxili İşlər Nazirliyinin mətbuat xidmətinə istinadən xəbər verir ki, Cəbrayıl RPŞ (Biləsuvar rayonu) əməkdaşlarının keçirdikləri əməliyyat-axtarış tədbirləri nəticəsində rayon ərazisindəki mağazaların birindən 357 manat pul və tütün məmulatı, habelə içərisində 6875 manat olan seyfi oğurlamaqda şübhəli bilinən şəxslər müəyyənləşdirilib.

Cəbrayıl rayon sakinləri Y.Abbasov və R.Həşimov saxlanılaraq istintaqa təhvil verilib.

Araşdırma aparılır.