Xəzər Xəbər

Azərbaycanda bu şəxslərə aylıq 80 manat VERİLƏCƏK

İkinci Qarabağ müharibəsinin iştirakçılarına veteran statusunun veriləcəyi tarix məlum oldu
Gündəm | 48,101 | 10:28 • 2 Noyabr 2021
Azərbaycanda bu şəxslərə aylıq 80 manat VERİLƏCƏK

“Həm Birinci, həm də İkinci Qarabağ müharibəsində iştirak edib şəhid, qazi, veteran olan hər kəs eyni status daşıyır”.

XəzərXəbər xəbər verir ki, bu fikirləri Milli Məclisin Sosial siyasət komitəsinin sədri Musa Quliyev bildirib.

Deputat qeyd edib ki, Birinci Qarabağ Müharibəsi veteranlarının aldıqları aylıq 80 manat müavinət İkinci Qarabağ Müharibəsi qazilərinə də veriləcək:

“Sadəcə, siyahıda dəqiqləşmə gedir. İlkin mərhələdə onlara da 80 manatın verilməsi planlaşdırılır. Gələcəkdə artırılıb-artırılmamasına baxılacaq. Nə qazilərin, nə şəhidlərin, nə veteranların - heç birinin statusunda fərq yoxdur. Qanun hamı üçündür”.

İkinci Qarabağ Müharibəsi iştirakçılarına veteran statusunun hələ də verilməmə səbəbinə aydınlıq gətirən komitə sədri deyib ki, bu, bəzi iştirakçıların müalicələrinin tam bitməməsi, əlilik dərəcəsinin müəyyən edilməməsi və dəqiqləşmə işlərinin aparılması ilə bağlıdır.

“Çünki əliliyi müəyyən edilənlər veteran olmur. Veteran statusu ancaq müharibədə iştirak edib, hansısa xəsarət alan, amma əliliyi olmayanlara verilir. Yəqin ki, yaxın günlərdə, yeni ilə qədər artıq bununla bağlı qərar veriləcək”./modern.az

Xəbər lenti

Çox oxunanlar