Azərbaycan Respublikasının Prezidenti cənab İlham Əliyevin tapşırığına uyğun olaraq, meşə yanğınlarının söndürülməsi və daha geniş miqyas almasına imkan verilməməsi məqsədilə Azərbaycan Respublikası Fövqəladə Hallar Nazirliyinin müvafiq yanğın-xilasetmə qüvvələrinin növbəti qrupu bu dəqiqələrdə qardaş Türkiyə Respublikasına yola düşəcək.
XəzərXəbər xəbər verir ki, Fövqəladə Hallar nazirinin müavini, general-leytenant Etibar Mirzəyev yanğın-xilasetmə qüvvələrinin şəxsi heyəti ilə görüşüb və onlara tövsiyələrini verib.
Qeyd edək ki, yanğın-xilasetmə qrupuna 1 ədəd helikopter, 53 ədəd yanğınsöndürmə və xüsusi təyinatlı xilasetmə texnikaları, 220 nəfər yanğınsöndürən və xilasedici daxildir.