Bu səfər təşkil olundu ki, Türk Şurasının nümayəndə heyəti bu vəhşiliklə yerindəcə tanış olsun - Hikmət Hacıyev

Türk Şurası çərçivəsində Azərbaycan müxtəlif tədbirlərə ev sahibliyi edir. Media sahəsində də əməşdaşlıq vacib istiqamətlərdən biridir.

Bunu Türk Şurasının informasiya və media üzrə məsul nazirləri və yüksək vəzifəli rəsmilərinin Ağdama səfərini müşayiət edən Prezidentin köməkçisi Hikmət Hacıyev deyib.

H.Hacıyev bildirib ki, Türk Şurasının mediaya məsul şəxslərinin toplantısı Bakıda keçirildi. Bu toplantının davamı olaraq bu səfər təşkil edildi: "Türk dünyasının mədəni irsində böyük bir rolu olan Qarabağın mədəni irsinin Ermənistan tərəfindən işğal dövründə dağıdılmasını əyani olaraq göstərmək məqsədilə bu səfər təşkil olundu. Türk Şurasının nümayəndə heyəti bu vandallıq, bu vəhşiliklə yerindəcə tanış olsunlar".