Xəzər Xəbər

Nazir müavini: İşğaldan sonra bu yerlər ekoloji terrora məruz qalıb

Gündəm | 16:27 • 7 Aprel 2021
Nazir müavini: İşğaldan sonra bu yerlər ekoloji terrora məruz qalıb

Hazırda Zəngilanda ağac əkilən ərazilər vaxtilə sıx meşələr olub. İşğaldan sonra bu yerlər ekoloji terrora məruz qalıb. İlkin araşdırmalara görə, işğala qədər 228 min hektara qədər ərazi meşə ilə örtülü olub. Onun 54 min hektarı məhv edilib. Monitorinqlər davam etdikcə erməni işğalçılarının məhv etdiyi ərazilərin miqyasının daha çox olduğu üzə çıxacaq.

Bunu Zəngilanda jurnalistlərə açıqlamasında ekologiya və təbii sərvətlər nazirinin müavini Firdovsi Əliyev deyib.

F. Əliyev qeyd edib ki, əsas məqsəd tez bir zamanda Qarabağ bölgəsini yaşıllığa çevirməkdir: "Təəssüf ki, hər şey bizim iradəmizdən asılı deyil. Ərazilərin çoxu minalanıb. Ərazilər minalardan təmizləndikcə ağac əkmə aksiyalarımız davam edəcək. Ermənilərin təbiətimizə vurduğu yaraların qısa bir zamanda sağalması istiqamətində hamımız səfərbər olmalıyıq".

Xəbər lenti