Enerji təchizatında
yenidən yaranan fasilə ilə əlaqədar Bakı-Sumqayıt-Bakı elektrik
qatarlarının hərəkətində yenidən problem yaranıb. XəzərXəbər xəbər verir ki, bu barədə "Azərbaycan Dəmir Yolları” QSC-nin ictimaiyyətlə əlaqələr şöbəsinin rəisi Sevinc Qədirova deyib.
O bildirib ki, Bakı-Sumqayıt istiqamətində hərəkət edən 3 qatar enerji fasiləsi zamanı yolda qalıb.
"Qatarları dartaraq ən yaxın olan Biləcəri və Bakı
sərnişin vağzalına gətiriblər. Sərnişinlərin hər biri təxliyə olunub və
onların ödəniş haqları geri qaytarılıb",- deyə S.Qədirova qeyd edib.