Aİ İrana qarşı yeni sanksiya tətbiq edib

Avropa İttifaqı (Aİ) İrana qarşı sanksiyaları genişləndirib.

Xezerxeber.az xəbər verir ki, bu barədə Aİ Şurası məlumat yayıb.

Bildirilir ki, Şura İranda ciddi insan hüquqları pozuntularına məsul olan dörd fiziki şəxs və altı quruma qarşı onuncu məhdudlaşdırıcı tədbirlər paketini qəbul edib. 

Yeni siyahıya İmam Əli Mərkəzi Təhlükəsizlik Qərargahında İslam İnqilabı Keşikçiləri Korpusunun (SEPAH) Ali Baş Komandanının müavini, həmçinin Mazandaran və Fars əyalətlərinin polis komandirləri daxildir.

Aİ Şurası həmçinin Kaçui həbsxanası və onun rəisinə də sanksiya tətbiq edib.

Sənəndəc, Zahedan və İsfşan həbsxanaları, eləcə də "Tasnim News" xəbər agentliyi sanksiya siyahısında yer alır.