Finlandiya Ukraynaya 16-cı hərbi yardım paketini göndərib

Finlandiya aralarında zenit-raket komplekslərinin və onlar üçün sursatların olduğu 16-cı hərbi yardım paketini Ukraynaya göndərib.

Xezerxeber.az xəbər verir ki, bu barədə Finlandiya Müdafiə Nazirliyinin bəyanatında deyilir. Qurumun hesablamalarına görə, yeni yardım paketinin dəyəri 109 milyon avrodur.

“Finlandiya beynəlxalq tərəfdaşları ilə birgə Ukraynaya dəstəyini davam etdirir. Helsinki indiyə qədər Kiyevə 1,1 milyard avro həcmində hərbi yardım təqdim edib”, - deyə Finlandiyanın müdafiə naziri Antti Kaykkonen bildirib.