Xəzər Xəbər

Ukraynaya 49 döyüşçünün cəsədi qaytarılıb

Dünya | 16:38 • 6 Dekabr 2022
Ukraynaya 49 döyüşçünün cəsədi qaytarılıb

Dekabrın 6-da hərbçilərin meyitlərinin növbəti dəfə qaytarılması prosesi həyata keçirilib, Ukraynaya 49 meyit verilib.

Xezerxeber.az bu barədə Ukraynanın Reinteqrasiya Nazirliyinin məlumatına istinadla xəbər verir.

İtkin düşənlər üzə müvəkkil Oleq Kotenko vurğulayıb: “Meyitlərin geri alınması üçün güc strukturları ilə birlikdə mümkün olan hər şeyi edirik. Cəsədlərin olması ehtimal edilən yerlərin aşkarlanması üzrə işlər davam edir. Olduqca mürəkkəb olan bu proseslərə qoşulan hər kəsə minnətdarıq. Çünki Vətən müdafiəçiləri ilə layiqincə vidalaşmaq doğmaları üçün çox əhəmiyyətlidir”.

Ümumilikdə, may ayından bəri Ukraynanın müstəqilliyi uğrunda canlarından keçən 827 nəfərin meyitini geri qaytarmaq mümkün olub.

Xəbər lenti