Xəzər Xəbər

ABŞ-dan Rusiyaya yeni sanksiyalar

ABŞ yeni ərazilər ilhaq etdiyinə görə Rusiyaya sanksiya qoyacaq
Dünya | 18:51 • 30 Sentyabr 2022
ABŞ-dan Rusiyaya yeni sanksiyalar

ABŞ sentyabrın 30-da Ukraynanın 4 bölgəsini ilhaq etdiyinə görə Rusiyaya qarşı yeni sanksiyaları açıqlayacaq.

Bu barədə ABŞ Prezidenti Cozef Bayden administrasiyasının nümayəndəsi bildirib.

Məlumata görə, Cozef Bayden administrasiyasının Rusiyanın Ukraynanın şərqinin bəzi hissələrini ilhaq cəhdinə "yeni iqtisadi xərclər", yəni sanksiyalar elan etməklə cavab verəcəyi gözlənilir.

Qeyd edək ki, sentyabrın 23-27-də Ukraynanın Rusiya işğalı altında olan Donetsk, Luqansk və Zaporojye vilayətlərində “referendum” keçirilib. Vətəndaşlar Rusiyanın tərkibinə daxil olmağa razı olub-olmadıqları barədə suala cavab veriblər. Elan olunan nəticələrə görə “referendum”da iştirak edənlərin böyük əksəriyyəti həmin vilayətlərin Rusiyaya birləşməsini dəstəkləyib.

Rəsmi Kiyev və dünyanın heç bir ölkəsi “referendum”ların nəticəsini tanımayıb.

Sentyabrın 30-da Rusiya Prezidenti Vladimir Putin Zaporojye və Xerson vilayətlərinin "suverenliyi"nin və "müstəqilliyi"nin tanınması haqqında fərman imzalayıb.

Bu gün Ukraynanın dörd separatçı bölgəsinin Rusiyaya birləşdirilməsi barədə sazişlər imzalanıb. Mərasim Moskvada Böyük Kreml sarayının Georgiyevsk zalında keçirilib.

Sazişləri Rusiya Prezidenti Vladimir Putin, separatçı “Donetsk Xalq Respublikası”nın, “Luqansk Xalq Respublikası”nın, Xerson və Zaporojye vilayətlərinin rəhbərləri imzalayıblar./report

Xəbər lenti

Rayonlara qar yağıb VİDEO
20:53 • 4 Dekabr 2022

Çox oxunanlar