Xəzər Xəbər

Meymunçiçəyinə yoluxmada bu ölkə liderdir - SİYAHI

Dünya | 13:45 • 19 Avqust 2022
Meymunçiçəyinə yoluxmada bu ölkə liderdir - SİYAHI
Xəstəliklərin profilaktikası və onlara nəzarət üzrə Avropa Mərkəzinin (ECDC) məlumatına görə, avqustun 16-na olan vəziyyətə görə Avropada meymunçiçəyi virusuna 19.429 yoluxma halı qeydə alınıb.
 
İspaniya 5.719 yoluxma ilə meymunçiçəyinə yoluxmaların sayına görə Avropada liderdir. Onlardan təqribən 505 nəfərinin xəstəxanaya yatırılmağa ehtiyacı olub. Üç nəfər intensiv müalicə şöbəsinə yerləşdirilib, iki nəfər vəfat edib.
 
Siyahıda sonrakı yerləri Almaniya (3.187), Böyük Britaniya (3.055), Fransa (2.673), Niderland (1.029), Portuqaliya (770), İtaliya (662), Belçika (546), İsveçrə (387), Avstriya (210), İsrail (189), Danimarka (154), İsveç (130), İrlandiya (113), Polşa (104), Norveç (74), Macarıstan (62), Yunanıstan (49), Sloveniya (43), Lüksemburq (43), Çexiya (36), Rumıniya (32), Malta (30), Serbiya (23), Finlandiya (22), Xorvatiya (17), İslandiya (12), Slovakiya (10), Estoniya (9), Cəbəllütariq (6), Litva (5), Bolqarıstan (4), Andorra (4), Latviya (4), Bosniya və Herseqovina (3), Kipr (3), Monako (3), Qrenlandiya (2), Gürcüstan (1), Rusiya (1), Türkiyə (1), Monteneqro (1) və Moldova (1) tutur.
 
ECDC-nin məlumatına görə, Avropada meymunçiçəyinə yoluxma hallarının əksəriyyəti 31-40 yaş arası şəxslərin payına düşür.
 
 

Xəbər lenti