Xəzər Xəbər

Güclü zəlzələ 255 nəfərin həyatına son qoyub - Əfqanıstanda

Dünya | 11:30 • 22 İyun 2022
Güclü zəlzələ 255 nəfərin həyatına son qoyub - Əfqanıstanda

Əfqanıstanın cənub-şərqində, Pakistanla sərhəddə yerləşən Paktika əyalətində ötən gecə baş vermiş güclü zəlzələ nəticəsində 255 nəfər həlak olub.

Bu barədə "Aamaj News" agentliyi yerli hakimiyyət orqanlarına və xilasedicilərə istinadla məlumat yayıb.

İlkin məlumata görə, təbii fəlakət nəticəsində 100-dən çox insan yaralanıb. Əyalətin Barmal, Ziruk, Nika və Qayan qəzaları daha çox zərər çəkib. Zəlzələ Paktika ilə yanaşı, Host, Laqman, Qəzni, Lohar, Kabil və başqa əyalətlərə də təsir göstərib. Bir neçə kənd tamamilə dağılıb. Hazırda axtarış-xilasetmə əməliyyatları davam edir.

Taliban hərəkatının Daxili İşlər Nazirliyi zəlzələdən zərər çəkən insanlara yardım göstərilməsi üçün beynəlxalq təşkilatlara müraciət edib.

Xəbər lenti

Çox oxunanlar