Xəzər Xəbər

Türkiyə vətəndaşlığına keçid etmək istəyənlərin NƏZƏRİNƏ: 400 min dollar xərc tələb olunur

Dünya | 15:11 • 13 May 2022
Türkiyə vətəndaşlığına keçid etmək istəyənlərin NƏZƏRİNƏ: 400 min dollar xərc tələb olunur

Əcnəbilər azı 400 min dollar dəyərində daşınmaz əmlak aldıqları təqdirdə müstəsna olaraq Türkiyə vətəndaşlığı əldə edə biləcəklər. Türkiyə Prezidenti Rəcəb Tayyib Ərdoğanın müvafiq sərəncamı “Resmi Gazete”də dərc olunub.

Sənədə əsasən, qərar bir aydan sonra qüvvəyə minəcək.

Əvvəllər Türkiyə vətəndaşlığını almaq üçün 250 min dollar dəyərində daşınmaz əmlak almaq kifayət edirdi. Bu qanun 2010-cu ilin fevralından qüvvədədir.

Alınan daşınmaz əmlakın qiymətinin artırılması ilə bağlı qərarı Türkiyə hökuməti aprelin ortalarında qəbul edib. Eyni zamanda qeyd olunub ki, alınan daşınmaz əmlakın müqabilində Türkiyə vətəndaşlığı üçün müraciət edən əcnəbilərdən azı üç il müddətində onu satmamaq tələb olunacaq.

Mənbə: TASS

İmsak və İftar vaxtı 2022

Xəbər lenti