Xəzər Xəbər

Kraliçanın oğluna böyük şok: 17 yaşlı qıza təcavüz iddiası baha başa gəldi

Dünya | 14:05 • 14 Yanvar 2022
Kraliçanın oğluna böyük şok: 17 yaşlı qıza təcavüz iddiası baha başa gəldi

Böyük Britaniya kraliçası II Elizabetin oğlu, York hersoqu Şahzadə Endryu cinsi zorakılıq iddiasına görə krallığın bütün hərbi titullarından və himayəsindən məhrum edilib.

XəzərXəbər xəbər verir ki, ABŞ-da Şahzadə Endryu ilə bağlı illər əvvəl aid cinsi istismarla bağlı məhkəmə işi ABŞ-da davam etdiyi vaxt Bukinqem Sarayından maraqlı açıqlama gəlib.

Açıqlamada bildirilib ki, kraliçanın qərarı ilə York hersoqunun bütün titulları kraliçaya qaytarılıb. Qeyd edilib ki, o, dövlət vəzifəsində işləməyə davam edəcək və məhkəmə işi xüsusi vətəndaş kimi davam edəcək”.

Şahzadə Endryunun “Əlahəzrət” titulunun da alındığı və bütün rollarının kral ailəsinin digər üzvləri arasında bölüşdürüləcəyi bildirilib.

Bundan əvvəl Virciniya Roberts adıyla tanınan Virciniya Cuffre iddia edib ki, Şahzadə Endryu yeniyetmə olarkən ona cinsi təcavüz və zorakılıq edib. Onun sözlərinə görə, şahzadənin cinsi istismarına məruz qalarkən 17 yaşı olub. Endryu bu iddianı rədd edib.

Çox oxunanlar